MFA Cup an ṭan

Mizoram Football Association Cup vawi 18-na nimin khan GSA Playground, Mamit-ah khelh ṭan a ni. Nimin inkhel hmasa berah Champhai DFA Academy-in Lunglei club Bazar Veng FC chu 2-1 in an hneh.

Inkhel dangah inelna thlengtu Mamit aiawh Kawrtekhawveng FC chuan Siaha club Siaha United FC chu 3-1 in an hneh ve bawk.

Kumin FA Cup-ah hian Lawngtlai DFA-in team an thawh thei lo a, hei vang hian group B inkhelh dan siamrem a ni a, vawiinah inkhel pakhat chiah a awm dawn. Aizawl DFA aiawh Aizawl FC Junior leh Kolasib Project FC te an inkhel ang a, Serchhip club New Serchhip FC an awl thung ang.