UEFA-in player chhan turin referee hrilh

Europe-a football thuneitu sang ber UEFA chuan referee-te chu European club competition-a player te himna ngaihven lehzual turin an hriattir a, foul hlauhawmah player-te hrem zel turin an hrilh nawn.

Manchester City boss Pep Guardiola chuan January khan FA Cup-a Cardiff City an hneh hnu lawkah English official-te chu player humhim turin a lo hrilh tawh a, hei hi Cardiff defender Joe Bennett-a'n a player Leroy Sane a hliam vang a ni.

UEFA chief refereeing officer Pierluigi Collina chuan, "Inkhel tura kan mamawh chu player-te an ni a, venhim hi kan tih tur a ni. Foul chu tum reng vang emaw, tihpalh thil thu pawh ni se player hmalam hun hi hlauhawmah kan dah tur a ni lo," tiin referee-te an game thunun kawnga khauh lehzual turin a fuih.

Collina chuan, "Player te pawhin an khingpuite zahna chang an hre tur a ni a, an chunga thleng tura an duh loh chu an ti tur a ni lo," tiin player-te chu fimkhur turin a fuih bawk.