Ka hneh ṭep a ni - Sharath Kamal

Indian table tennis star Sharath Kamal chuan Olympic third round-ah legend Ma Long hneh lo mah se huaisen taka a beih thu a sawi a, "Ma Long ka tih buai dan en khan ka hneh ṭep chu a nih kha," a ti!

Olympic gold medalist ni lai leh table tennis khawvela champion theihna zawng zawnga champion tawh Ma Long hian 4-1 (7-11, 11-8, 11-13, 4-11, 4-11) in Indian legend hi a hneh.

Rin lawk ang ngeiin Ma Long hian set khatna chu a la mai a, set hnihnaah erawh Sharath hian table tennis khawvel barakhain 11-8 in set a rawn la - mahse, hei hi a chhunzawm thei lo a, a tawpah a tlawm.

Sharath chuan, "Ka chet vel dan khan a tizam ve deuh a, Ma Long pawh ni se awlsam taka chaktir kha ka tum lo. Set thumna kha a pawimawh em em a, kha game bik kha la leh ngat ila chuan result a danglam ang," a ti a, table tennis legend a barakhaih thei lo chu a ui thu a sawi.