Indian shuttler Sai Praneeth a tla

Olympic mipa bad-minton singles-ah India aiawhin B. Sai Praneeth chiah a tel a, group stage paltlang loin a tla. Kum 28 mi Sai Praneeth hi seeded number 13 a ni a, Mark Caljouw (Netherlands) leh Misha Zilberman (Israel) te nen group khatah an awm.

Indian shuttler hian match hmasa berah Misha Zilberman hi 21-17, 21-15 in a hneh lo. Amaherawhchu Zilber-man hian Mark Caljouw chu 17–21, 21–9, 21–10 in an hneh lo a, Sai Praneeth tan elimination round luh beiseina a awm phah.

Nimin khan Musa-shino Forest Sport Plaza, Chofu-ah Sai Praneeth leh Mark Caljouw te hi an inhmachhawn a, Dutch shuttler hian 21-14, 21-14 in hnehna a chang.

Mipa singles-ah group 16-ah pathum zelin player hi ṭhen hran an ni a, group khat aṭangin pakhat zelin elimination round (last 16) an lut. He thuziah lai thlenga last 16 lut tawhte chu Kevin Cordon, Mark Caljouw, Viktor Axelsen, Wang Tzu-wei, Shi Yuqi, Kanta Tsuneyama, Anthony Sinisuka Ginting leh Chou Tien-chen te an ni.