Olympic mipa football : Quarterfinal khel tur a hriat ta

Olympic mipa football group stage chu nimin khan khelh zawh a ni a, July 31, Inrinni hian quarterfinal khelh a ni ang. Champion rinkai zinga mi Spain-in Ivory Coast an hmachhawn dawn a, La Roja hi team ṭha ni mah se group stage-a an khelh dan thlir chuan semifinal luh a awlsam dawn lo.

Champion rinkai ber Brazil-in Egypt an hmachhawn dawn a, Selecao tan hna harsa tur niin a lang lo. Asia aṭanga tel Japan leh South Korea ten quarterfinal an thleng a, New Zealand leh Mexico an inkhel dawn. Inelna thlengtu Japan hi Mexico leh France awmna group-ah an chak vek thei a, medal dawn phak ngei an inbeisei ang.