Mizoramin medal paruk la

Online National Taekwondo Poomsae Championship vawi hnihnaah Mizoram chuan medal pali a la. Pride Cup National Online Championship-ah medal 2 an hlawh chhuak bawk.

Player te himna ngaihtuah vang leh India ram chhunga zin vei vah a la him tawk loh avangin, ram pum huam Taekwondo enkawltu India Taekwondo chuan July 5 – 26 chhung khan Online National Championship a buatsaih.

Mizoram aṭang hian category hrang hrangah player 16 telin, player 11 ten semifinal an lut. An zinga mi pasarih ten final an thleng. Final-ah hian player pasarih te hian poomsae video 2 ṭheuh thehluh hmang chuan inelna an nei.

Tun hnaiah Pride Cup Online National Taekwondo Speed Kicking & Poomsae Championship buatsaih a ni bawk a. Inelnaah hian Mizoram aṭangin Poomsae inelna huangah player pali telin mi pahnih ten gold medal an la dawng.

India Taekwondo chuan heng inelna hi a dah hlu hle, he championship a medal late chu World Taekwondo buatsaih International Poomsae event lianah India ai an awh tur thu a sawi tawh a ni.