Great Britain tan Ellen White

Vawiin chawhnu dar 2:30 hian Great Britain leh Australia te Kashima-ah an inkhel dawn a, Ellen White telna Great Britain hi Olympic hmeichhe football semifinal lut tura rinkai zawk an ni ang.

Kum 32 mi Ellen White-i'n goal thum a khung tawh a, Manchester City forward White-i goal khung ṭumah Great Britain-in Chile leh Japan an hneh. Great Britain hi England, Wales leh Scotland inzawm khawm a ni a, tun ṭumah pawh hian squad-ah English 19, Scottish pahnih leh Welsh pakhat an awm.

Rio 2016 khan Great Britain an tel lo a, England anga tel tum mah se IOC member an nih loh avangin an tel thei lo. London-a Olympic an neih ṭumah khan Great Britain hian quarterfinal an thleng a, Canada hneh loin an tla.

Australia hian an match hnuhnung berah United States an chelh thei a, team ṭha tak an ni. Matildas (Australia hmeichhe team) tan hian Samantha Kerr a che ṭha a, tun inelnaah hian goal thum a khung tawh a ni.