Sri Lanka-in India an hneh

India player Krunal Pandya-a'n Covid-19 a kai avangin Sri Lanka leh India ten T20 match hnihna an khelh tur chu ni khata sawn tlai a ni a, Nilaini zan khan khelh niin Lions-in wicket liin hnehna an chang. Nizan khan T20 match hnuhnung ber R. Premadasa Stadium-ah khelh leh a ni a, heta chak zawk hian series an la ang.

T20 match hnihnaah hian ṭhumvawrah Sri Lanka an vannei a, vawm hmasak an thlang. India tan captain Shikhar Dhawan-a'n run 40 siam a, Devdutt Padikkal (29) leh Ruturaj Gaikwad (21) ten run 20 rawn siam ve mah se player dangin run tam an siam loh avangin 132/5 chauh an siam.

Sri Lanka tan target harsa tur niin lang lo mah se India bowler hmaah an che thei bik lo. Amaherawhchu target a hniam bakah Lions tan Dhananjaya de Silva a che ṭha a, thi loin 40 run a siam. Sri Lanka-in ball hnih zuahin run 133/6 an siam a, hnehna an chang. Dhananjaya de Silva hi player of the match-a thlan a ni.