Hri leng vangin Australia team an buai

Tokyo Olympic neih laiah American pole vaulter Sam Kendricks chu Covid-19 a kai tih hriat chhuah a ni a, hri kaiin a training pui leh a kaihhnawih thil avangin Australia athletic team pumpui chu nimin khan khung hran lailawk an ni.

Mahse, hri kai nena inhnimhnai infiammi pathum chu endik an nih hnuah an fihlim tih a chiang a, team pumpui pawh darkar hnih vel an khung lailawk hnuah chhuah zalen leh an ni bawk.

Australian Olympic Team Chef de Mission Ian Chesterman chuan, "Inkaihhruaina khauh tak kan nei, kan himna tur a nih chuan kan chhunzawm zel ang. Olympic inkaihhruaina bakah kan ram himna tura kan ruahmante chu kan ti zel ang," a ti.

Australia team an him lai hian United States tan erawh channa lian tak a ni ngei ang. World champion vawi hnih ni tawh leh Olympic champion ngei tura ngaih ni bawk Kendricks a inlan ve thei dawn ta lo a ni.