India mipaten Japan an hneh

Tokyo Olympic 2020 neih laiah India mipa hockey team te chuan nimin tlai khan Japan 5-3 in an hneh a, group A-ah pahnihna dinhmun luah chungin quarterfinal an khel dawn.

India hian knock out stage an lut chiang tawh tih hre sain Japan hi an hmachhawn, a thlengtu ram erawh chak nei lo an ni - match nga an khelh aṭanga poin khat chauh hmuin table-ah a hniam ber an ni thung.

Group A aṭang hian Australia, India, Argentina leh Spain te an tlang. Group B aṭangin Belgium, Netherlands, Great Britain leh Germany te an tlang chiang tawh bawk - group B hian khelh hmabak pakhat an la neih avangin an awmna dinhmun erawh a la danglam thei.