Gold Cup final-ah USA Vs Mexico

North America, Central America leh Caribbean te tana football inelna sang ber Gold Cup chu July 10 aṭang khan khelh ṭan a ni a, August 2, Thawhṭanni zing dar 6:00-ah final khelh a ni dawn. Inelna thlengtu United States leh Mexico ten nomawi an inchuh ang.

Nimin zing khan semifinal khelh a ni a, United States-in minute 86-naa Gyasi Zardes goal hmangin Qatar 1-0 in an hneh. Qatar hi Asia rama awm ni mah se Gold Cup tel tura sawm an ni. Inkhel dangah Mexico-in Canada 2-1 in an hneh hram bawk.

NRG Stadium, Texas-ah Mexico-in Orbelin Pineda penalty hmangin first injury time-ah goal an khung hmasa a, Canada-in Tajon Buchanan hmangin minute 57-naah an sut. A tawpah Mexico an vannei a, injury time minute kuanaah Hector Herrera-a'n chakna goal a khung.