West Ham-in PSG keeper an lalut

West Ham chuan French goalkeeper Alphonse Areola chu season khat chhung atan loan hmangin an lalut a, a ngheta lak theihna dan a awm bawk.

Kum 28 mi Areola hi seaosn liam ta khan loan thoin Fulham tan a khel tawh a, London club tan hian season ṭha tak hmangin supporters' player of the year award a dawng. Hammers-in an number 1 keeper Lukasz Fabianski elpui turin Areola hi an lalut.

Areola chuan, "Premier League hi khawvel league ṭha ber zinga mi a ni a, season liam ta kha nuam ka ti hle. London hi chenna atan nuam ka ti a, Fulham-ah hun harsa tawng mah ila English league sang bera khelh zel hi ka duh. West Ham hi season liam ta khan a che ṭha a, theihna sang tak an neih avangin an team zawm hi ka nghakhlel," tiin a sawi.

West Wam manager David Moyes-a'n Areola hi a dahsang a, kum 2010 aṭang daih tawh khan a enthla tawh. Chutihrualin Hammers hian tun thla tir khan England international Sam Johnstone lakluh tumin West Brom an dawr a, Baggies-in an dilna hi an hnawl.

Areola hian season liam ta khan Fulham tan league match 36 a nei a, clean sheet vawi kua a nei a, save vawi 116 a nei. A elpui tur Fabianski hian match 35 khelin cleansheet vawi 10 a nei a, save vawi 103 nei bawkin an intluk tawk hle.