Vawiinah badminton mipa singles semifinal

Olympic badminton mipa singles chu tukin zing hian Musashino Forest Sport Plaza-ah khelh a ni dawn. Shuttler ṭha pariat zingah seeded nei pha lo pahnih Heo Kwang-hee leh Kevin Cordon te an tel a, zing dar 5:30-ah quarterfinal match hmasa ber an khel dawn.

South Korean shuttler Heo Kwang-he hian group stage-ah seeded number 1 leh inelna thlengtu Japan shuttler Kento Momota a hneh. Guatemala shuttler Kevin Cordón hian seeded number 8-na Ng Ka Long a hneh thung.

Tuna la dam zingah Chou Tien-chen (Chinese Taipei) chu ranking-ah a sang ber a, seeded number 2 hian amah aia sulhnu nei ṭha zawk Chen Long a hmachhawn dawn. Chinese shuttler Chen Long hian Rio 2016-ah khan gold medal a la a; World Championships, Sudirman Cup, Thomas Cup, Asian Games, Asian Championships leh East Asian Games-ah a champion vek tawh.

Seeded number 3 Anders Antonsen-a'n seeded number 5 Anthony Sinisuka Gintin a hmachhawn dawn, an inkhel hi en châkawm tak a ni. Danish shuttler Antonsen hian semifinal-ah a hnampui Viktor Axelsen chu semifinal-ah a hmachhawn thei lo a, Denmark tan medal pahnih lak theih dan a awm.

Kum 27 mi Axelsen hian Chinese shuttler Shi Yuqi a hmachhawn dawn a, hnehna a chang thei a nih chuan semifinal-ah seeded nei lo pahnih Kwang-hee leh Cordón te chak zawk a hmachhawn dawn bawk avangin gold medal emaw silver medal emaw hi a hla loah a ngaih theih.