Brazil an vul zel dawn em?

Olympic mipa football-a team ṭha bera ngaih theih chu Brazil an ni a, Rio 2016-a gold medalist hian vawiin tlai dar 3:00 hian Egypt an hmachhawn dawn. Selecao hi group stage-ah Ivory Coast-in chelh mah se attacking game nung ṭha tak an khelh avangin team hmuhnawm ber anga chhal theih an ni.

Brazil tan Richarlison a che ṭha a, Everton forward hian goal nga a khung tawh a, a la khung belh zel dawn niin a lang. Richarlison-a kawppui Matheus Cunha-a'n goal khat chiah la khung mah se Hertha forward che vel hi a hmuhnawm takzet.

Veteran defender Dani Alves captain-na hnuaia khel Brazil hi chak tura rin an ni a, chutihrualin hriat tel tur erawh an khingpui tur Egypt hian group stage-ah Spain an chelh. Pharoahs player te hi an ram club-a khel an ni hlawm a, captain Ahmed Hegazi erawh tuna an khelhna Saudi Arabia club Al-Ittihad tana khelh hmain Fiorentina leh West Bromwich Albion tan a lo khel tawh a ni.