A tawp berah South Korea vs Mexico

Olympic mipa football quarterfinal match hnuhnung berah South Korea leh Mexico te an inkhel dawn a, vawi tlai dar 4:30 hian Yokohama-ah an inhmachhawn ang.

South Korea hian an match hnuhnung berah chak an mamawh a, 6-0 zetin Honduras an sawp. Valencia midfielder Lee Kang-in leh Bordeaux forward Hwang Ui-jo ten goal thum ve ve an khung tawh a, an match hnuhnung bera an result avangin inringtawk takin Mexico an hmachhawn thei dawn.

Mexico hian group match-ah Japan hneh lo mah se France leh South Africa te 4-1 leh 3-0 in an sawp. El Tri captain hi Guillermo Ochoa a ni a, kum 36 mi goalkeeper hian World Cup-ah pawh hming a lo chher tawh. Tlarhma lamah Alexis Vega a che ṭha a, Guadalajara forward hian goal hnih a khung tawh.