Japan khingpui tur New Zealand

Inelna thlengtu Japan-in vawiin tlai dar 2:30 hian Kashima Stadium, Kashima-ah New Zealand an hmachhawn dawn. Samurai Blue hian group stage-a an khingpui South Africa, Mexico leh France te an hneh vek avangin chak tura rin an ni ang.

Japan tan Real Madrid attacking midfielder Takefusa Kubo a che ṭha a, match thum an khelh tawhah goal a la khung vek. Sawi hmaih theih miah loh chu tlarhnungah kum 32 mi Maya Yoshida-a'n a ho. Yohsida hi Southampton tan pawh league match 154 khel thei a ni a, Japan senior team tan match 107 zet a khel tawh bawk.

New Zealand hi match thum an khelh tawhah chak an nei a, chak lo an nei a, draw a nei tawh bawk. Danny Hay-a hote hi eng ang chiaha ṭha nge an ni tih hriatthiam an har a, chutihrualin an ram chhuanvawr Chris Wood an hruai tel avangin Japan an hlau bik lo ang. Burnley striker Wood hian match thum an khelh aṭangin goal thum a khung tawh a ni.