Sri Lanka-in India an hneh

Sri Lanka-in an mikhual India lakah zahngaihna an lantir lo a, T20 match hnuhnung berah wicket 7-a sawpin series 2-1 in an la.

T20 match tawp ber hi R. Premadasa Stadium-ah khelh a ni a, ṭhumvawra vannei India-in bat hmasak an thlang. Lions bowler-te an che ṭha a, India hi over 20-ah run 81/8 chiah an siamtir.

Men in Blue tana run siam tam ber Kuldeep Yadav-a'n thi loin run 23 a siam a, duck out pathum zingah captain Shikhar Dhawan pawh a tel. Sri Lanka bowler Wanindu Hasaranga-a'n run kua chauh pein wicket li a la a, man of the match bakah player of the series a thlan a ni.

Sri Lanka tan India target chhawpsak um phak hi hna harsa a ni lo a, over 14.3-ah run 82/3 siamin hnehna an chang.