Khawvela tlan chak ber Marcell Jacobs

Nizan khan Olympic mipa 100m intihsiakna neih a ni a, Italian sprinter Marcell Jacobs chuan khawvel barakhahin mipa intlansiakah a tlan chak ber. Italy ramin 100m-a gold medal an lak hmasa ber a ni a, kum 26 mi Jacobs hian 9.8 seconds-ah a thleng a, a career-a a tlan ṭhat ber ṭum a ni.

Pahnihna United States sprinter Fred Kerley-a'n 9.84 secs-ah a thleng a, silver a la. Canada sprinter Andre De Grasse-a'n 9.89 seconds a thlengin bronze medal a dawng ve bawk. Hmeichhe intlansiakah Jamaica-in an thunun a, mipa final-ah erawh Jaimaican sprinter hmel hmuh tur a awm lo.