High Jump-ah gold pahnih

Olympic high jump-ah Italy high jumper Gianmarco Tamberi leh Qatar high jumper Mutaz Essa Barshim ten 2.37m (7ft 9.3in) an zuan khum a, gold medal an dawng ve ve.

Belarus high jumper Maksim Nedasekau pawhin 2.37m a zuan khum a, ani erawh 2.35m zuan khum a tum ṭumah tihsual avangin bronze medal a dawng thung.

Italy-in a vawi khat nan high jump-ah medal an la a, Tamberi hian gold medal a laksak. Gold a la dawn tih a hriat chiahin Tamberi hian Barshim hi a va pan a, an in kuah nghal a, an chet danah an lawm tih hmuh hmaih theih a ni lo.