Zverev tan gold medal

Alexander Zverev chuan Tokyo Olympic neih laiah Germany tan gold medal a vaw chhuak. Nimin tlai mipa tennis final-ah Zverev hian Karen Khachanov chu 6-3, 6-1 a hnehin a champion.

Kum 24 mi Zevrev hian semifinal-ah world number 1 Novak Djokovic a hneh a, gold medal inchuhna inkhelah hian harsatna a tawk zui lo. Darkar khat leh minute 19 chhung lekin hnehna a chang.

German tlangval hian theihna sang tak a nei. A thiam pariat inelna ATP Finals-ah hial pawh a champion tawh, mahse Grand Slam huangah erawh a la hlawh tling lo - Olympic gold medal a lak vang erawh chuan dah hniam theih a ni lo ang.

Olympic-ah hian German player zingah tennis singles huanga gold medal la thei pahnih chiah an la awm. Seoul 1988 khan Steffi Graf-i chuan hlawhtlinna changin Golden Slam a lo ni hial tawh, tunah Zverev hian a hnung a rawn zui ve leh ta chiah.

Tunlai player la inkhel mek zingah Rafael Nadal (2008 Beijing), Andy Murray (2012 London & 2016 Rio) ten Olympic gold medal an la tawh. Roger Federer leh Novak Djokovic te erawhin an la ve dawn ta lo niin a lang.