Tlanah African an che ṭha

Mipa 10,000 metres intlansiakah Rio 2016-a medalist pakhatmah an tel lo a, Tokyo 2020-ah hian mi 25 inelin mi 23 an tlan thleng. Ethopia mi Selemon Barega chuan gold medal a dawng a, silver leh bronze medal latu Joshua Cheptegei leh Jacob Kiplimo te chu Uganda ve ve an ni.

Kum 21 mi Selemon Barega hian 27 minutes leh 43.22 seconds-ah 10,000 metres hi a tlan thleng. Silver medal dawngtu Joshua Cheptegei hian October 7, 2020 khan Valencia, Spain-ah world record siamin 26:11.00-ah tlan thleng a, Tokyo 2020-ah erawh 27:43.63-ah tlan thlengin silver medal-ah a lungawi a ṭul ta a ni.