Puerto Rico fanu duhawm Camacho-Quinn

Jasmine Camacho-Quinn chuan Tokyo Olympic hmeichhe 100m hurdles huangah gold medal a la, an ram pumpuiin Olympic track and field huanga gold medal an lak hmasa ber a ni.

Kum 24 mi Camacho-Quinn hian hnehna chang turin 12.37 seconds chauh hun a hmang, a hnungah United States nula Kendra Harrison (12.57 seconds) leh Jamaican star Megan Tapper (12.55) te an thleng.

Semifinal-ah Camacho-Quinn hian 12.26 second chhunga thlengin Olympic record a siam, final-ah a record siam hi tluk ta chiah lo mah se gold medal dawn nan a tawk tho a ni.

Pahnihna Harrison hi world indoor champion lai a ni a, medal a lak chiah hian US chuan hmeichhe hurdles huangah a zawnin Olympic vawi rukah medal an lakna chiah a ni a, he infiamna huang bika medal la zawn rei thei record an siam.