Football hmuhnawm kan khel ang - Flick

Bayern Munich manager hlui Hansi Flick chu August 1 aṭang khan Germany national team coach a ni ṭan a, hmabak a ngah hle. Euro 2020 khelh zawh takah Germany hian last 16-ah England hneh loin an tla a, an buaina tak erawh Joachim Low hun tawp lamah khelh dan nghet an nei lo.

Flick chuan, "Ka tan chuan national coach nih hi mawhphurhna lian tak a ni a, chona lian tak a ni bawk. Germany tan ka theihna zawng zawng ka chhuah dawn a, football hmuhnawm khelh leh ngei kan tum ang," tiin a sawi. Kum 56 mi Flick hian German player-te rilru put hmang thlak a tum dawn a, tun hnaia an khelh dan thlirin a hmabak a hautak hle.

Germany hian Flick-a hnuaia an match hmasa ber chu September 2, Ningani zanah an khel dawn a, World Cup qualifier-ah Liechtenstein an hmachhawn ang.