Training-naah Kane a inlan lo

Nimin Tottenham training-naah Manchester City nena sawizawm Harry Kane a inlan lo a, sawi zui a hlawh hle. England captain hi Covid-19 test hmachhawn tur a ni a, vawiin aṭanga training ṭan tur a ni.

Euro 2020 hnuah Kane hi kar thum a chawl a, he thuziah lai thleng hian Spurs-in English striker inlan loh chungchangah thuchhuah an la siam lo. Khawthlang media te tarlan danin club chairman Daniel Levy chuan Kane hi inrintawnnain tun nipui transfer-a chhuah a remti.

Tuna Kane a contract hi kum 2024 a tawp tur chauh a ni a, Spurs thuneituten chelh an tum nia a lan tak avangin England captain hian a chhuah theihna turin hma a laah a ngaih theih.

Hetihlai hian Man City nena sawizawm Jack Grealish erawhin Aston Villa training a zawm a, Villa hian Premier League champion aṭanga an captain lei dilna pound maktaduai 100 chu an hnawl tawh a ni.