Hardik Singh-a goal in sawi a hlawh

India mipa hockey player Hardik Singh-a'n Great Britain lakah goal ropui a khung a, Tokyo Olympic neih laiah India chu semifinal a hruai thleng - kum 41 hnua a vawi khat nan hockey huangah medal an beisei leh mek.

Great Britain lam 2-1 a an hnufual laiin India na takin an nawr a, an ball hloh karah Hardik Singh hian thui tak ball tlan puiin goal-ah a hlap, keeper-in lo dansak mah se a per let hi a duhna tak goal kilah a hlap lut - India tana Olympic goal ropui an sawi apiangin sawi lan a ni tawh ang.

India coach Graham Reid chuan, "A training lai hmu ṭhin tan chuan thil mak a ni lo, goal ropui bik khung turin theihna a nei," tiin a sawi. India hian tukin dar 7:00 hian Belgium an hmachhawn dawn.