Vawiin aṭangin England vs India

Vawiin tlai dar 3:30 aṭangin England leh India ten Test match vawi nga an khelh tura hmasa ber chu Trent Bridge-ah an khel ṭan dawn a, first Test hian August 8 thleng a awh ang.

Three Lions player pawimawh Ben Stokes chu rilru lam harsatna avangin a inlan dawn lo a, a chawlh chin tur a hriat loh. England captain Joe Root chuan, "Ka ṭhianpa hi dam ṭha se ka duh ber. Ben-a hi a hrechiang chuan ṭhiante dah pawimawh hmasa ṭhin tih an hria ang, tunah erawh amah a indah pawimawh hmasak a ṭul a ni," tiin a sawi.

England hi Root-a hnuaiah Test match vawi 52 an khel tawh a, vawi 26 chakin vawi 19 an chak lo a, vawi sarih an inhnehtawk. Tun ṭum Test series hian Root hi captain atan eng ang chiaha ṭha nge tih a hril ang.

Chutihrualin Virat Kohli tan pawh fiahna a ni dawn. Kumin kumtir khan Australia ramah India-in hnehna an chang a, Kohli awm loh hnuah Men in Blue hian inlehthalna ropui an thlentir.