Biles-i'n bronze medal a la

Rilru lam harsatna vangin inelna a hmachhawn mumal thei lo a, hun harsa a tawh laiin Simone Biles chu Tokyo Olympic gymnastics huangah a lo kir, nimin khan beam final-ah bronze medal a hlawh chhuak.

Rio Olympic lama hming lo chher tawh Biles hian kar hmasa khan vault huangah beisei a phak lo, a hnuah rilru lam harsatna vangin all-around, vault, floor leh uneven bars aṭangte in a inhnukdawk zui a ni.

Kum 24 mi Biles hi nimin khan Ariake Gymnastics Centre-ah lo kirin, ram tan medal a hlawh chhuak leh ta a ni. Mahse, Biles hian point 14.000 chauh a hmu a, a khingpui Chinese mi Guan Chenchen (14.633) leh Tang Xijing (14.233) te a phak lo.