India tlangval an inpeih

Tukin zing dar 7:00 hian India mipa hockey team chuan Germany an hmachhawn dawn. Manpreet Singh chuan Olympic bronze medal tal hlawh chhuah ngei an beisei thu a sawi.

India hi semifinal-ah Belgium ngam loin an zinkawng a tawp. Tun ṭumah erawh chet sual nawn an tum lo, Germany nen hian an intawn hnuhnung pahnihah 6-1 a an chak hnuin 1-1 in an inhnehtawk.

Captain Manpreet Singh chuan, "Kan chak lohna kha chu kan theihnghilh tawh tur a ni, tunah chuan India tan medal hlawh chhuah ngei tumin kan bei ang. Player zawng zawng kan rilru a inpeih.

"Ram pumpuiin min thlawp ṭha tih kan hria, chuvangin kan laka beiseina an neih hi tih hlawhtlin ngei kan tum tlat dawn a ni," tiin a sawi.

Mipa final hi vawiin tlai dar 3:30 hian Australia leh Belgium ten an khel ve thung ang.