Man City-in Grealish an la dawn

Nimin khan Jack Grealish chungchangah Manchester City leh Aston Villa te an inrem nia sawi a ni a, Villa captain hi pound maktaduai 100 man bawr vel a ni ang.

Aston Villa hian Grealish chelh tumin theihtawp an chhuah a, an captain hi contract ṭha zawk pawh an zawrh. Amaherawhchu Grealish hian Man City pan a duh a, English club pahnih inkara player manto ber a ni thuai ang.

Kum 25 mi Grealish hi Aston Villa aṭanga inzir chhuak a ni a, Villa tan chauh la khelin football thawnthu ngaihnawm tak an ziak dun. Tunah erawh English midfielder hian Villa a chhuahsan dawn a, Man City-ah hian kum nga daih contract ziak tura sawi a ni.

Man City hian Tottenham Hotspur aṭangin Harry Kane lak tumin an hel bawk a, amaherawhchu club pahnih hian inremna an nei thei lo. Spurs chairman Daniel Levy chuan Man City dilna hmasa pound maktaduai 100 chu a hnawl a, England captain hian chhuah duhin club training a zawm duh rih lo.