Villa-in Bailey an lalut

Aston Villa chuan nimin khan Bayer Leverkusen aṭangin Leon Bailey an lakluh thu an puang. Jamaica international hian kum 2025 thleng daih contract a ziak.

Kum 23 mi Bailey chuan, "Ka tan chuan club ropui tak a ni a, sulhnu ropui tak an nei a, kawng dik ka zawhah ka ngai. Villa tana bul ṭan hun ka nghakhlel a, Premier League-ah ṭha taka ka khelh theih ka beisei a ni," tiin a sawi.

Villa hian Bailey hma hian Norwich City aṭangin Emiliano Buendia leh Inter Milan aṭangin Ashley Young te an la lut a, an captain Jack Grealish erawh Manchester City zawm tura sawi a ni thung.

Chutirhualin Villa hian Grealish a chhuak a nih chuan tlarhma tih chak nan Chelsea aṭangin Tammy Abraham lak an tum dawn niin sawi a awm. English striker hi pound matkaduai 40 man vel tura ngaih a ni.