Thompson-Herah tan gold medal 2

Jamaican sprinter Elaine Thompson-Herah chuan Olympic history siamin inelna vawi hnihah a zawnin 100m leh 200m-ah gold medal a dawng ve ve.

Rio 2016-ah khan Thompson-Herah hian 100m leh 200m-ah gold medal a dawng tawh a, Tokyo 2020-ah Jamaican sprinter hian 100m chu 10.61 seconds-ah thlengin Olympic record a siam.

Kum 29 mi Thompson-Herah hian 200m-ah a theihna tak a pholang leh a, qualifying leh semifinal-ah tlan chak ber ni lo mah se final-ah 21.53 seconds-ah a thleng. Jamaican sprinter hian 200m-ah pawh hian an ram record a siam.

Thompson-Herah chuan, "Kan tum phawt loh chuan eng nge thleng dawn tih kan hre dawn lo. Kan thil tum hian kan nihna a pholang a, kei chuan ka ziak thla vek a ni," tiin twitter-ah a ziak a, Tokyo 2020-a hmachhawp a tarlang tel.

Chutah chuan Jamaican sprinter hian 100m (10.5 secs) leh 200m (21.5secs) a thlen tum zat te a tar chhuak a, double champion nih a tum thu leh a thawhrim tur thute chu a ziak thla vek a ni.