Japan naupang pahnihin medal an la

Tokyo Olympic neih laiah a thlengtu Japan naupang pahnih Sakura Yosozumi leh Kokona Hiraki te chuan 'women's park skateboarding' huangah gold medal leh silver medal an hlawh chhuak.

Kum 19 mi Yosozumi hian point 60.09 hmuin pakhatna a ni a, kum 12 mi chauh Hiraki chuan silver medal la turin 59.04 a hmu thung. Pathumna chu Great Britain naupang kum 13 mi Sky Brown a ni.

Medal dawngtu pathum kum belhkhawm hi kum 44 chauh a ni a, silver medal latu Hiraki hi Noel Vandernotte (1936) hnu lama Olympic medal la thei naupang ber a ni hial.

Japanese zingah Hiraki hi Olympic hmachhawn thei naupang ber a ni bawk, ani hian kum 13 leh ni 174 mi ni chunga tui hleuh huanga inlan thei Yukari Takemoto-i record chu a rawn khum ta chiah.