Curry tan contract thar

Stephen Curry chuan Golden State Warriors tana a rinawmzia lantir nan contract thar a ziak, an inremna hi 2025-26 season thleng daih niin hetih hun chhung hian dollar maktaduai 215 a hlawh ang. A contract hmasaah khan dollar maktaduai 200 chuang a lo hlawh tawh bawk.

Curry-a aiawh (agent) Jeff Austin chuan contract chungchang hi an tihfel tawh thu a sawi, tuna a contract nei lai hi season khat daih chauh a ni tawh, inremna thar an neih hi club leh player tan chanchin lawmawm a ni.

Kum 33 mi Curry hian season liam ta khan chawh rualin - 32.0 points leh 5.8 assists a neih bakah 5.5 rebounds la ziah ang a ni. A team hi playoff hruai thleng mah se conference finals erawh an lut phak lo.

NBA Most Valuable Player (MVP) vawi hnih ni tawh Curry bakah Klay Thompson an la neih avangin GSW hian season thar an nghakhlel ang. Season hmasa khan hliam vangin Thompson hi an chhawr thei lo a ni.

American guard Curry chuan, "Team chhunga player zawng zawngin theihtawp kan chhuah hi chuan a nuam, kan tih theih chin kan tih ṭheuh hian a hlimawm, a bak chu Pathian kuta nghah a ni tawh mai," tiin a sawi.