Taekwondo Speed Kicking Championship an zo

Mizoram Amateur Taekwondo Association buatsaih, MATA Online Mizoram Open Taekwondo Speed Kicking Championship chu zawh fel a ni a, a pumpuiah Taekwondo Academy of Best Friend (TABF) chuan point 990 hmuin an champion.

TABF hi cadet leh senior division-ah champion-in sub-junior division-ah pahnihna an ni bawk. Pewe division champion Mamit District Amateur Taekwondo Association chuan point 840 hmuin a pumpuiah pahnihna an ni.

Mizoram University Campus Taekwondo Club chuan point 600 hmuin a pumpuiah pathumna an hauh.

Point 430 hmutu Lawngtlai District Amateur Taekwondo Association chu palina niin Exodus School Taekwondo Club chuan point 330 hmuin pangana an ni bawk a ni.