Football-ah US-in bronze an la

Nimin khan hmeichhe football-ah United States leh Australia ten bronze medal an inchuh a, goal sarih zet luhna inkhelah US-in 4-3 hnehna an chang. Kashima Stadium-a inkhelah United States tan Megan Rapinoe leh Carli Lloyd ten goal hnih ve ve an khung a, Matildas tan Sam Kerr, Caitlin Foord leh Emily Gielnik ten goal khat ṭheuh an khung.

Tukin zing dar 7:30 hian Sweden leh Canada ten hmeichhe football final an khel dawn. Hmeichhe football hi kum 1996 aṭanga khelh ṭan a ni a, United States hi vawi li champion tawhin Germay leh Norway ten vawi khat ve gold medal an la tawh. Sweden hian Rio 2016 khan final an lut a, Canada tan an final vawi khat khelhna tur a nih avangin champion thar an awm dawn tihna a ni.