Football bronze medal inchuh Tlai dar 4:30-ah Mexico vs Japan

Olympic mipa football bronze medal chu vawiin tlai dar 4:30 hian Mexico leh inelna thlengtu Japan ten an Saitama stadium-ah an inchuh dawn. Gold medal match erawh August 7, Inrinni tlai dar 5:00-ah Brazil leh Spain ten an khel ang.

Mexico hian football hmuhnawm an khel a, Brazil nen pawh inkhel tawk mah se penalty shootout hmangin an vanduai. Chutihrualin El Tri hi bronze medal la chiang tura dah a rem lo, a chhan chu Japan hi team ṭha an ni.

Samurai Blue hian Spain lakah ball an inpek kual ngam a, La Roja-in extra time-ah Marco Asensio hmangin goal an khung hram. Group match-ah Japan hian Mexico hi 2-1 in an hneh tawh bawk.