Crouser-a'n a pu tan a hlan

Tokyo 2020-ah United States shot putter Ryan Crouser-a'n 23.30m dengin gold medal a la a, Olympic record a siam. Joe Kovacs (United States) leh Tom Walsh (New Zealand) ten silver leh bronze an la a, Rio 2016 khan hetiang chiah hian shot putter pathum te hian medal a lo la tawh bawk.

Crouser te chhungkua hi infiamna ngaihna chhungkua an ni a, a pa Mitch hi 1984 Los Angeles discus team-ah reserve-in a awm a, a patea (Brian) pawh US aiawhin Olympic-ah ṭum hnih javelin inelnaah a tel tawh. Kum 28 mi Crouser-a'n Olympic gold medalist vawi hnih a lak theih chhan hi a pu Larry a ni a, Tokyo a pan hma deuh hian a pu hian a thihsan.

US shot putter Crouser chuan, "Ka pu, kan hlawhtling ta. 2020 Olympic champion kan ni e," tih thuziak chu a keng chhuak.