Chi inthliarna vangin mi 11 an man

Euro 2020 final-ah England an chak lo a, penalty hlahtu Marcus Rashford, Jadon Sancho leh Bukayo Saka te chuan mi dum an nih avangin chhaih nawmnah an hlawh zui nasa hle.

Social media lama chi inthliarna thleng hi police lamin an chhui zui zel, tun thleng chuan a kaihhnawihah hian mi 11 an man tawh - hnu chhuina hi zawh a la ni lo, an mi mante hi hremna pek an ni ang.

Football Association, England manager Gareth Southgate leh Britain prime minister te chuan chi inthlairna rawng kai hi an duh loh thu leh, an player duhlaite chunga thil thleng hi an dem thu an lo au chhuahpui tawh a ni.

Arsenal player Saka hian chawlh hmang zoin club training a zawm leh tawh, a club chuan an player hi lawm takin an lo kuangkuah. Bangah lawmna thu hrang hrang a lo tar chhuah bakah thikpek an lo

pe bawk.

Kum 19 mi Saka chuan, "Hetiang taka thlawpna ṭha hi kei chuan engtin nge ka chhanlet theih ang, ka lawmna hi thuin ka sawi chhuak thiam lo zawk a ni," tiin a sawi.

Euro 2020-ah khan Saka hi a khel ṭha pawl tak a ni phak, mahse final-ah a penalty pet chu Italian goalkeeper Gianluigi Donnarumma-a'n lo dansakin an chak lo zui nghal a ni.