Murray-a wildcard an pe

August 14 aṭangin Cincinnati Masters khelh a ni dawn, inelna buatsaihtu lamin duhsak takin Andy Murray chu wildcard an pe. Britain tlangval hian a wildcard hmuh hi a pawm a, inelna a hmachhawn ang.

World number 1 hlui hian hliam a neih avangin hun rei tak chhung chu beisei a phak thei tawh lo, tun hnaiah lo kir leh mah se ngai a la awh lo. Tokyo Olympic-ah khan a kal a, singles aṭanga a inhnukdawkin doubles-ah chauh a inlan.

Tun hmain 2008 leh 2011 khan Cincinnati-ah Murray hian hlawhtlinna a lo chang tawh a, vawi hnih champion tawh a nih vang hian qualifier khelh hah ngai loa wildcard an pe hi thil mak a ni hran lo.

Cincinnati Masters hi US Open inbuatsaihna a ni dawn, tun thla tawp aṭangin Grand Slam hnuhnung ber hi New York khawpuiah an khel ṭan leh tawh dawn a ni - player langsar an inlan kim viau a rinawm.