Windies cricketer fapa Benjamin

Olympic mipa 400m hurdles-ah Norway athlete Karsten Warholm-a'n 45.94-a thlengin August 3 khan world record a siam. Kum 29 mi Warholm zawh chiaha thleng Rai Benjamin kha West Indies cricketer Winston Benjamin fapa a ni thung.

Winston Benjamin hi tunah chuan kum 56 mi a ni tawh a; West Indies tan Tests match vawi 21 leh ODI vawi 85 khel thei a ni. November 15, 1987 khan India ramah rawn zinin Windies tana Test match hmasa ber a khel nghe nghe.

Winston chuan, "Eng vangin nge cricket aia intlansiak hi a thlan ka hriatthiam lo. Chutihrualin a thutlukna hi kawng engkimah ka thlawp thung," tiin a sawi.

Kum 24 mi Benjamin Rai pa hi New York-a piang a ni a, a pa hi Windies cricketer ni mah se Olympic-ah hian United States tan a inlan thung a ni.