Federer hma hun a chiang lo

Roger Federer chu ATP Masters 1000 khelh tur pahnih - Toronto leh Cincinnati aṭangin a inhnukdawk a, tun season chhungin a inkhel leh thei ang em tih pawh a chiang ta lo.

Swiss star hi season hmasa khan a khup hliam vawi hnih ngawt zai a ni. Hlawhtling taka zai ni mah se tun thleng chuan ngai a la awh leh thei lo, season kal laiah pawh French Open aṭangin a inhnuhdawh a ngai - Tokyo Olympic a hmachhawn thei lo bawk.

Kum 39 mi Federer chuan, "Grass court season kan hman lai khan ka khup a hliam leh, hreh tak chungin ka chawlh leh rih a ngai a ni," a ti. Tun thla tawp aṭangin US Open an khel dawn, 100%-in a dam hman kher lo mai thei.

Nomawi 103 zet chawi tawhtu Federer hi tun hnaiah hliamin a tibuai nasa ve hle, a tho chhuak leh tawh kher lo mai thei bawk. World number 1 ringawt pawh kar 310 ni thei tan hian Grand Slam title lak leh beiseina a tlem ta hle.

Toronto-ah hian Alexander Zverev pawh a inlan dawn lo. German star hian Tokyo Olympic-ah khan gold medal a vaw chhuak a, Asia ram aṭanga US lama inkhel tura zin zui nghal chu a zuam lo - chawlh a hmang rih ang.