Muaythai Virtual Championship an zo

Muaythai Association of Mizoram-in State Virtual/Online Championship vawi hnihna a buatsaih chu an zo fel. Dawrpui Muaythai Club chu a pumpuiah an champion a, gold medal pariat, silver medal panga leh bronze medal pakhat an la.

Pahnihna Ṭhuampui Muaythai Club chuan gold medal pali lain pathumna Bethlehem Vengthlang Muaythai Club chuan gold medal pahnih bakah silver medal pakhat leh bronze medal pahnih an la ve bawk.

July 29, Ningani aṭanga tan Mizoram State Virtual Muaythai Championship-ah hian intihsiakna chi thum - MaxFit, Shadow Box leh Wai Kru-ah te inelna neih a ni a, youth, senior leh masters level mipa leh hmeichhiaah inelna neih a ni.

Eric Biakthianghlima, Ṭhuampui Muaythai club chuan Wai Kru inelna leh MaxFit inelna kum 13-15 inkarah gold medal a la ve ve a, senior level inelna MaxFit leh Shadow Box-ah Lalthasanga Lelhchhun, Dawrpui Muaythai Club chuan gold medal a la ve ve bawk.

August 8, Pathianni aṭangin National Virtual Championship neih ṭan a ni dawn. Wai Kru, Shadow Box, MaxFit, Mai Muay, Shadow Referee leh Youth Ambassador-a inelna neih chhoh turah MAM chuan inelna neih zawh taka aṭanga ti ṭhate a thlang chhuak a ni.