Bajrang Punia-a'n bronze a la beisei

Nimin khan Olympic mipa wrestling-ah Bajrang Punia a inlan a, semifinal-ah Azerbaijan wrestler Haji Aliyev a hneh loh avangin India tan Tokyo 2020-ah gold beisei theih a ni ta lo.

Olympic closing ceremony-a India flag kengtu tur Bajrang Punia hi mipa wrestling freestyle 65 kg-ah seeded number 2 a nih phak avangin medal la ngeia tura ngaih a ni.

Nimin khan Haryana tlangval Bajrang hian first round-ah Kyrgyzstan wrestler Ernazar Akmataliev a hneh hram a, quarterfinal-ah Iranian wrestler Morteza Ghiasi hneh lehin semifinal a lut. Final lut tur zawnnaah Bajrang a che ṭha tawk lo a, Haji Aliyev-a'n 12-5 in an hneh.

Vawiin hian bronze medal inchuhna hi neih a ni dawn a, repechage round-ah Bajrang hian Adama Diatta leh Daulet Niyazbekov te chak zawk a hmachhawn dawn a, hnehna a chan chuan bronze medal a la ang.

Nimin khan hmeichhe freestyle 50 kg wrestling neih a ni a, Indian wrestler Seema Bisla chuan Tunisian wrestler Sarra Hamdi chu 3-1 a hneh loin a tla nghal a, hmeichhe wrestler zingah medal la pha an awm lo.