Serie A entu an awm dawn

Italian Football Fede-ration (FIGC) chuan Serie A season thar an kaldan tur puang a, a hmunah inkhel entu 50% an awm thei dawn - stadium len dan a zirin entu awm thei zat hi a inang dawn lo tihna a ni.

Italian sorkar ruahman dan chuan, a hmuna inkhel entute hi ṭhutna pakhat kar danah zel an ṭhu ang. Hun rei tak chhung entu awm loa an khelh hnuah entu an nei leh thei tur hi Italian football tan chanchin ṭha a ni ang.

Serie A president Paolo Dal Pino chuan, "Hmalam panin kan kal thei hi a lawmawm, engtik niah emaw chuan stadium khat tlatin kan la pungkhawm leh thei dawn tihna a ni," a ti.

Italian football inelna sang ber Serie A 2021-22 season hi August 21-ah khelh ṭan a ni dawn, champion lai Inter Milan chuan Genoa an mikhual ang.