Nino-a'n Fofana chungah ngaihdam a dil

Villarreal forward Fer Nino chuan a tackle avanga hliam tuar Leicester defender Wesley Fofana hnenah ngaihdam a dil a, "Hliam kha ka tum reng dan a ni bik lo," a ti.

Nilaini zan khan Leicester City chuan Villarreal nen season inbuatsaih nan friendly match an khel a, Nino hian French centre back Fofana ngal ruh tê zawk chu a tihtliahsak a ni.

Leicester City mana-ger Brendan Rodgers chuan Nino chet dan hi, "Hlauhawm lutuk," tiin a lo sawisel tawh a, he thu buatsaih a nih thleng hian kum 20 mi centre back hi engtia rei nge a chawlh dawn hriat a la ni lo.

Nino chuan, "Mimal tak pawhin Fofana hnenah hian ngaihdam ka dil tawh a, mi zawng zawng hriatah dil nawn leh ka duh a ni. Vanduaithlak taka thil thleng kha ka tum reng vang a ni lo," tiin a insawifiah.

Rodgers chuan Villa-rreal manager Unai Emery pawhin ngaihdam a dil tawh thu a sawi - Fofana hian season hmasa ṭan dawn khan Saint-Etienne aṭangin Leicester hi pound maktaduai 36.5-in a zawm a, an defender pawimawh a ni.