Olympic football-ah Canada an champion

Nimin khan Olympic hmeichhe football final khelh a ni a, Sweden leh Canada te 1-1 a an inhnehtawk hnuah penalty shootout hmangin Canada 3-2 in an chak a, an ram history-a a vawi khat nan Olympic-ah gold medal an la.

Yokohama Stadium-a final hmuhnawm takah Sw ede striker Stina Blackstenius-i'n minute 34-naah goal a khung a, Jessie Fleming-i'n minute 66-naah Canada tan siphurh a sut. Penalty shootout hmangin chak zawk zawn a ni a, Canada 3-2 in an vannei ta zawk.

Nimin khan mipa football pathumna zawng a ni a, Saitam-ah Mexico-in inelna thlengu Japan 3-1 a hnehin bronze medal an la. El Tri tan hian Sebastian Cordova-a'n minute 13-naah penalty aṭangin a khung a, Johan Vásquez (22') leh Alexis Vega (58') hmangin goal thum an khung hmasa.

Japan-in minute 78-naah Kaoru Mitoma-a'n si phurh sut ṭhen mah se goal dang an khung belh thei lo. Samurai Blue-in group stage-a 2-1 a hneh Mexico lakah 3-1 in an tlawm a, medal an la pha lo.