4x400m-ah Italy pakhatna

Nizan khan Olympic intlansiakah thil danglam a thleng a, 4x400m-ah Italy pakhatna an ni a, medal la zingah Jamaica an tel pha lo.

Olympic Stadium-a inelna neihah hian qualifying round-ah Jamaica an tlan chak ber. Inelna takah erawh Italy pakhatna an ni a, 37.50 seconds-ah an thleng. Italy tana tlante hi Lorenzo Patta, Marcell Jacobs, Eseosa Desalu leh Filippo Tortu te an ni a, Jacobs hi khawvel mipa tlan chak ber niin Olympic 100m-a pakhatna a ni.

Great Britain chu pahnihnaah an ni a, 37.51seconds-ah an an thleng. Tokyo 2020 athletics-ah Italy an che ṭha hle. Mipa inelnaah 20 kilometres walk (Massimo Stano) leh high jump (Gianmarco Tamberi) te gold medal an la a, hmeichhe lamah Antonella Palmisano-i'n 20 kilometres walk-a'n gold a la bawk.