Hmatawng kan nei ṭha - Sarri

Juventus manager Maurizio Sarri chuan hmatawng an neih ṭhat tawk thu a sawi a, chutih rualin player khelh dan inang lo tak tak an nih hlawm avangin ṭha taka khel tura remkhawm chu hna awlsam a nih loh thu a sawi.

Italian champion hian Cristiano Ronaldo, Paulo Dybala, Gonzalo Higuain leh Douglas Costa te an nei; mimal theihna nei sang vek an ni. An pali hian match zawng zawnga hman rual theih pawh an ni lem lo.

Juve manager Sarri chuan, "Tlarhma a khel tur player ṭha bik kan ngah hle, a ṭha lo neih nual ai chuan a ṭha neih hnem chu a hlimawm lam a ni. Hmatawng vek ni mah se a bik takin Costa hi chu mualsir lama khel chi a ni a.

"Midang pathum hi chu khawi laiah pawh chhawr theih vek an ni a, indip loa an khel thei hi ka lawm," tiin a ṭul a nih chuan Ronaldo, Higuain leh Dybala te chu match pakhata luhrualtir theih an nih thu a sawi.

Serie A champion Juventus hi kuminah Inter Milan leh Lazio ten an elphak a, season riat chhung league nomawi an chawi tawh humhim turin hmahruaitu ni mek mah se an dinhmun a him rih bik lo. Pathianni zan dar 1:15 hian Verona an lenchilh ang.