Mourinho an hnawt chhuak nghal!

Serie A season an la ṭan lo, friendly match mai a la ni - mahse AS Roma manager thar Jose Mourinho chu khelmual aṭanga hnawh chhuah a ni, inkhel a zawh meuh chuan Roma hi player pariat chauh an ni tawh.

Nimin khan Real Betis leh Roma te hian season thar inbuatsaih nan friendly match an khel, Spanish club hian 5-2 in hnehna an chang. Team pahnihte hi player kima an khelh lai chuan 2-2 in an inhnehtawk.

Mahse, Roma player - Lorenzo Pellegrini (59'), Gianluca Mancini (65') leh Rick Kaesdorp (78') te hnawh chhuah an nih avangin Italian club hian goal thum dang an chhuah belh.

Pellegrini-a'n yellow card pahnihna a hmuh a duh loh zia uchuak takin a lantir a, a player lungawi lohna hi Mourinho chuan pawmpuiin sawi ve turin khelmual chhungah a lut, khelmual a luh ngawt avang hian hnawhchhuah a ni.

Portuguese manager enkawl Roma hian August 14 zanah Raja Casablanca chu friendly match an khelh pui leh ang. Serie A season thar an match hmasa ber atan August 23 zanlaiah Fiorentina an mikhual ang.