Volleyball-ah US hmeichhia an thiam ber

Nimin khan Olympic hmeichhe volley final khelh a ni a, United States-in Brazil chu straight set 3-0 (21–25, 20–25, 14–25) in an hneh. Serbia leh South Korea ten pathuumna an zawng a, 3-0 (18–25, 15–25, 15–25) a hnehna changtu Serbia-in bronze medal an la.

Hmeichhe volleyball-ah hian team ṭha pahnihin final an khelhah a ngaih theih a, Brazil hi group stage-a khingpui hneh vek thei niin United States hi vawi khat chiah chak lo an ni thung.

United States hian knockout stage chinah Dominican Republic, Serbia leh Brazil te an hmachhawn a, vawi khatmah set an hloh lo. Final pawh hi darkar khat leh minute 28 chauh khelh a ni.